Коми-пермяктарны аптаан «Абахай Пахта»

28 октября 2022

Хабарҷыларнаң тоғазығда «Читiген» театрның чайаачы ӧмезi Пермь крайындағы коми-пермяктар чирiнзер чорығынаңар чоохтап пирген

Пiстiң артисттерiбiс андағы Кудымкар городта 18 – 23 октябрьда ирткен «Сообщение» национальнай театрларның фестивальында араласханнар.

– Пу фестивальны коми-пермяктарның М.Горькийнiң адынаң национальнай театры Пермь крайы губернаторының паза культура министерствозының хабазиинаң чыл сай иртiрче. Пӱӱл аймах тiллiг чайаачы ӧмелер оларзар тӧртiнҷi хати чыылысханнар. «Читiген» театр анда пастағызын на араласты. Прай алты национальнай театр полған, ол санда фестиваль тӧстегҷiзi. Пiс А.Чапрайның «Абахай Пахта» (12+) ойынын кӧзiткебiс. Аның режиссеры якут чирiнiң оолғы Сергей Потапов полча. Чорығыбыстың ӧӧн пӧгiнi наа оңдайнаң, пӱӱнгi кӱнге килiстiре турғызылған ойынға пасха чонның, артисттернiң, театр критиктерiнiң ӱндезiглерiн алып алары полған тиирге чарир. «Сообщение» фестиваль чарғыҷыларның кнезi театровед, искусствовед паза «Алтын маска» театрлар сыйии комиссиязының экспертi Татьяна Тихоновец полған. Паза чарғыҷылар санында Санкт-Петербургтағы театрлар журналының редакторы, театровед Ирина Селезневанаң 2023-2024 чылларда иртер «Алтын маска» театрлар сыйии комиссиязының экспертi, драматург Алексей Исаев полғаннар. Мындағ кiзiлернiң сағыс-кӧрiзiн пiлiп алары піске тың аарлығ, – чооғын пастаан «Читiген» театрның устағҷызы Ирина Чустугешева.

Хайди аннаң андар чарытханнар пресс-конференция араласчылары, «Абахай Пахта» ойынны кӧрiп алған соонда критиктернiң сурығлар кӧп сығыстыр. Оларға ӧӧнiнде хакас чонның оңдай-хылиин пiлiп аларға чапсых полтыр.

– Профессионалларның пiстiң тоғызыбыстаңар сағыс-кӧрiстерiн истiп алары иң ӧӧнi полған. Хайда-да оларнаң чараспинчатхабыс. Олар пiстiң кибiрлерiбiстi, культурабысты ӧтiре пiлбинчелер нооза. Аннаңар талазарға даа килiс парчатхан. Че пiс республикабысты турыстыра кӧзiт пиргебiс тiп сағынчабыс, – теен артист паза режиссер Каскар Чаптыков.    

– Паза иң ӧӧнi – ойыныбысты кӧрерге залға чон толдыра чыылысханы! Анзы Кудымкар город чуртағҷылары театрға хынчатханын таныхтапча. Олар пiске тееннер: «Пiс сiрернiң ойыныңарны сағызыбыста ӱр ал чӧрербiс». Мындағ ӱндезiглер пiске тың аарлығ. Хайдағ даа артисттiң ӧӧн критигi кӧрiгҷiлер полча нооза, – чоохха хозылған «Читiген» театрның хоос устағҷызы, Хакасияның чон артизi Валерий Топоев.

Хакасия искусствозының саблығ деятельi Олег Чебодаев коми-пермяктарның паза хакастарның культураларының пик палғалызын iдӧк чахсы сизiнгем тiпче.

«Олар, пiстiң тiлiбiстi пiл полбазалар даа, ойыныбысты чӱрекке чағын алып кӧргеннер тиирге чарир. Полған на сай «Браво!» хысхыр турҷаңнар», – теен чайаачы ус.

Салтарында «Читiген» театрның артисттерiне «Сообщение» национальнай театрларның тӧртiнҷi фестивальында чарғыҷыларның «За слияние традиций и современности» ӧнетiн Дипломы читiрiлген.  

Паза хабарҷыларнаң тоғазығ тузында чайаачы устарыбыс Кудымкар городтағы коми-пермяктарның национальнай театрынаңар хысхаҷахти искiргеннер.

– Пӱӱнгi кӱнде ол театрда 150 тоғынҷы саналча, оларның санында 43 актёр. Кӧбiзi РСФСР-ның саблығ артисттерi, амғы чииттерге чахсы кӧзiдiм полчалар. Iдӧк таныхтирға кирек пу театр Пермь крайы устағ-пастааның хайиинда полчатханын. Губернатор анда аймах фестивальлар иртiрерге чахсы полысча. Алынҷа чоохтап пирерге кирек Кудымкар городтаңар. Ол уғаа кiчiг город. Анда олаңай ла чоллар, асфальт пiр дее чирде тӧзелбеен, светофорлар даа пiр дее чоғыл. Аның ӱчӱн кiчiг городта мындағ синнiг фестивальлар иртiрчеткеннерi тың морсымнығ. Пазағы чылда олар пизiнҷi, пайрамнығ, «Сообщение» фестивальны иртiрерге пӧгiнчелер. Пiстi андар хығырғаннарох, – чоохтап пирген устағҷы Ирина Чустугешева.

– Город кiчiг дее полза, оларның коми-пермяк чонының рестораны пар. Анда пiстi национальнай ас-тамахнаң азырааннар. Тиксi чоохтаза, Кудымкарда аалҷыларны чахсы удурлапчалар. Килген чонны хондырҷаң орыннаң на сидiксiнiс сығыс килче. Пу городта пiр ле улуғ нимес аалҷылар туразы, – хоза таныхтааннар пасха артисттер.

Хабарлар

Свежие новости

Коми-Пермяцкий театр выиграл грант Министерства культуры Пермского края

Центр по реализации проектов в сфере культуры подвёл итоги конкурса «Арт-резиденция». 15 проектов получат поддержку Читать дальше…

20 февраля 2024

30 лет — ФТМГР

30 лет назад, 15 февраля 1994 года, в Москве начался первый Фестиваль театров малых городов Читать дальше…

15 февраля 2024

В День коми-пермяцкого языка мы покажем спектакль об ансамбле «Кукушка»

17 февраля на большой сцене Коми-Пермяцкого национального драматического театра будет представлен спектакль «Кукуй, кукушечка!» (16+). Читать дальше…

13 февраля 2024

Тамаре Чистоевой — 110 лет

21 февраля, 110 лет со дня рождения Тамары Ивановны Чистоевой (1914–1986) — театрального художника, заслуженного Читать дальше…

8 февраля 2024

Начались репетиции спектакля «Матрёшки-disco» 

В Коми-Пермяцком национальном драматическом театре приступили к репетициям спектакля по пьесе Анны Гейжан «Матрёшки-disco» (18+). Читать дальше…

7 февраля 2024

Александр Кузьмин получил приз на фестивале кино

Артист Коми-Пермяцкого театра Александр Кузьмин получил приз за лучшую мужскую роль российского фестиваля молодого кино Читать дальше…

3 февраля 2024

Конкурс видеооткрыток

Коми-Пермяцкий национальный драматический театр им. М. Горького объявляет конкурс видеопоздравлений «Театральная открытка» к Международному Дню Читать дальше…

1 февраля 2024

Начались съёмки фильма о Коми-Пермяцком театре

Пермская киностудия «Новый курс» приступила к съёмкам документального фильма о Коми-Пермяцком национальном драматическом театре. Премьера Читать дальше…

24 января 2024

Тайна золотых артефактов

Поздний вечер, тёмные коридоры театра, лучи фонарей… В преддверии Дня студента первокурсники Кудымкарского медицинского училища Читать дальше…

23 января 2024

Смотреть все новости